შეხსენება! შეგახსენებთ „საქართველოს რესპუბლიკის დევნილი მთავრობის მიმართვა ეროვნულად განწყობილი ქართველობისადმი, ეროვნული მოძრაობის ორგანიზაციებისადმი“-ის დასკვნით ნაწილს, რომელიც გამოქვეყნდა გასულ წელს.
„2008 წელს ნაციონალისტური ისტერიის ვითარებაში ინსპირირებულმა და მოღალატურად წაგებულმა „ომმა“ (რომლის მიზანიც იყო საქართელოში რუსეთისა და დასავლეთის გავლენის სფეროების მკაცრი დემარკაცია) -- გამოიწვია ქართველი ხალხის უმძაფრესი საპროტესტო მუხტი, რომლითაც სპეკულატიური მიზნებით სარგებლობენ კვლავ ის ანტიეროვნული ძალები, რომლებიც ხელისუფლების გარეთ დარჩნენ. გამძაფრდა ფაქტობრივი, დამპყრობლური რეჟიმის არალეგიტიმურობის საკითხი.
არსებულ ვითარებაში, საქართველოს გადასარჩენად სავსებით აუცილებელი და გადაუდებელია ეროვნული მოძრაობის, მისი ორგანიზაციების აღდგენა-აღორძინება.
მოგიწოდებთ კვლავ გაერთიანდეთ გამოცდილი, დროით შემოწმებული ეროვნული მოძრაობების ორგანიზაციების გარშემო. მოგიწოდებთ ახალი ძალებით გააძლიეროთ ეროვნული მოძრაობის ორგანიზაციები, გაწმინდოთ ეს ორგანიზაციები დესტრუქციული, უმოქმედო პირებისაგან.“
აქედან გამომდინარე, საქართველოს რესპუბლიკის ლეგიტიმური მთავრობა კვლავ ადასტურებს ადრე გაცხადებული პრინციპებისადმი ერთგულებას. საქართველოს რესპუბლიკის მთავრობა ფსევდო-ოპოზიციასთან და კოლაბორაციონისტებთან არ თანამშრომლობს და არც ხვდება!
საქართველოს რესპუბლიკის დევნილი მთავრობის პრეზიდიუმის პრეს-ცენტრის სახელით,
იოსებ ღუდუშაური[size=10]