მივესალმებით ეროვნულ-განმათავისუფლებელი მოძრაობის ორგანიზაციათა და ინდივიდუალურ წევრთა მანიფესტის სულისჩამდგმელებს!
ვფიქრობთ, რომ ზვიად გამსახურდიას დაღუპვის შემდეგ, ეროვნული მოძრაობის ორგანიზაციების მხრიდან არ ყოფილა გამოქვეყნებული ეროვნული ცნობიერების ამსახველი ასეთი მნიშვნელოვანი დოკუმენტი. რადგან ეს მანიფესტი აქ განხილვისთვის გამოქვეყნდა, გთავაზობთ რამდენიმე შენიშვნას, რომელიც მომავალში, შეიძლება წაადგეს დევნილი მთავრობისა და მანიფესტის სულისჩამდგმელთა შორის დაწყებული თანამშრომლობის კიდევ უფრო გაღრმავებას:
ა:მანიფესტი ძირითადში სწორ იდეოლოგიაზეა დაფუძნებული, მაგრამ შესაძლოა მომავალში რამდენი საკითხის დაზუსტება. შეიძლება მანიფესტში შეუძლებელი იყო ყველაფრის ასახვა, მაგრამ ვფიქრობთ რომ 1991-1992 წ.წ. პუტჩით განკარგული სახელმწიფოებრივი დამოუკიდებლობის შესახებ, რომელიც ჯერაც ვერ აღგვიდგენია, უფრო მეტი იყო სათქმელი. თავისუფლება კარგია, მაგრამ ჯერ დამოუკიდებლობაა აღსადგენი!
ბ:კანონიერების და ლეგიტიმურობის აღდგენისათვის მებრძოლ საქართველოს რესპუბლიკის დევნილი მთავრობის წარმომადგენლებისათვის დიდი მნიშველობა აქვს იმას, თუ რა როლი და ფუნქცია ენიჭებათ მათ ამ მანიფესტიდან გამომდინარე.
გ„დემოკრატიის გარეშე კი შეუძლებელია რაიმე სახის სულიერების გავრცელება.“- დემოკრატია, რომელსაც დღევანდელი დასავლეთის მოწინავე სახელმწიფოთა სთავაზობენ დღევანდელ მსოფლიოს დიამეტრალურად ეწინააღმდეგება სულიერებას და მორალს, რაშიც ქართველი ერი მრავალგზის დარწმუნდა. რა თქმა უნდა, ჩვენ უნდა ვეძებოთ ეროვნულ მოძრაობის მონათესავე და მასთან ლოიალურად განწყობილი ძალები მსოფლიოს მოწინავე თუ არამოწინავე ქვეყნებში, მაგრამ ისიც უნდა გვქონდეს გათვითცნობიერებული, რომ დღევანდელი მსოფლიოს ქვეყნების პოლიტ-ელიტები გლობალიზაციის გზით მიდიან და ეროვნული მოძრაობის მოკავშირეობას ვერ და არ გასწევენ.
ღმერთმა დაგლოცოთ!
